Eins og gestir KKI.is hafa eflaust tekið eftir birtist ný mynd úr myndasafni KKÍ hér á síðunni hvern virkan dag. KKI.is hefur mikla ánægju af því að birta myndir frá hinum og þessum skeiðum körfuboltasögunnar hér á síðunni. Myndasafnið er þó ekki óþrjótandi og því leitar KKÍ til allra þeirra sem eiga myndir frá leik og starfi í körfubolta um að fá slíkt sent til birtingar á síðunni.

Allar myndir eru vel þegnar, hvort sem er í yngri flokkum, efstu deildum, landsliðum, starfinu í kring eða hverju sem er sem tengist körfubolta.

Best er að fá myndirnar á tölvutæku formi en KKÍ getur einnig unnið úr myndum sem fólk vill lána tímabundið.

Áhugasamir geta sett sig í samband við kkimyndir@mikkivefur.is eða hringt á skrifstofu KKÍ, 514-4100