© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
16.12.2006 | 8:39 | OOJ
Toppsætið, 3. sætið og botnsætið undir í leikjum helgarinnar
Tamara Bowie hjá Grindavík er stigahæsti leikmaður deildarinnar.
Það má búast við skemmtilegri umferð í Iceland Express deild kvenna um helgina en þá mætast liðin sem sitja hlið við hlið í stigatöflunni og allir leikirnir geta því haft áhrif á röð liðanna í stigatöflunni. Keflavík getur tekið fyrsta sætið af Haukum, ÍS getur tekið 3. sætið af Grindavík og Breiðablik getur sent Hamar niður í fallsætið. Það má því búast við mikilli spennu í leikjunum þremur.

Stórleikur umferðarinnar er leikur Keflavíkur og Hauka í Keflavík á morgun sunnudag. Þar spila Íslandsmeistaralið síðustu fjögurra ára og bæði eru sem stendur í nokkrum sérflokki á toppi deildarinnar. Haukaliðið lauk keppni í Evrópukeppninni í vikunni en liðið hefur unnið alla 11 leiki sína í deild, fyrirtækjabikar og meistarakeppni á þessu tímabil og tapaði síðast fyrir íslensku liði í undanúrslitum úrslitakeppninnar 25. mars síðastliðinn. Keflavík þarf að vinna Hauka með 10 stigum eða meira til þess að skjóta þá niður af toppnum. Leikurinn hefst klukkan 17.00 á sunnudaginn í íþróttahúsi Keflavíkur við Sunnubraut.

Botnliðin Breiðablik og Hamar mætast í Smáranum klukkan 19.15 í Smáranum á morgun sunnudag en liðin eiga í mikilli baráttu um að forðast fall úr deildinni. Hamar vann fyrri leik liðanna með 25 stiga mun, 84-59, í Hveragerði en bæði lið hafa tapað öllum öðrum leikjum sínum í deildinni í vetur. Liðin koma til með að mætast alls fjórum sinnum í vetur og vinni Hamar leikinn á sunnudaginn er liðið komið í góð mál með að halda sæti sínu á sínu fyrsta tímabili í efstu deild.

Þriðji og síðasti leikur umferðinnar er jafnframt opnunarleikur hennar en Grindavík tekur á móti Stúdínum klukkan 16.00 í dag. Það munar aðeins tveimur stigum á þessum liðum og vinni ÍS með þremur stigum eða meira þá nær liðið þriðja sætinu af Grindavík. ÍS vann bikarúrslitaleik liðanna í fyrravetur og Grindavík vann fyrri leik liðanna á þessu tímabili eftir framlengingu. ÍS hefur bætt við sig erlendum leikmanni og það má því búast við spennandi leik í Röstinni.
Mótayfirlit
Mótayfirlit allra flokka
8.-10. flokkur stúlkna hjá Val að undirbúa sig fyrir leik á móti í Gautaborg í Svíþjóð. Valur vann leikinn 26-24. Liðið komst í b-úrslit á mótinu en gat ekki spilað úrslitaleikinn þar sem að ferðaskrifstofa liðsins gerði ekki ráð fyrir að liðið færi svona langt. Stelpurnar þurftu því að halda heim til Íslands áður en mótið kláraðist.
DómarahorniðLeiðararTölfræðiSaganViðtalið