Í dag var dregið í bikarkeppni KKÍ og Lýsingar. Áður en dregið var í bikarnum undirrituðu Guðrún Soffía Björnssdóttir, yfirmaður markaðs- og þróunarsviðs hjá Lýsingu, og Hannes Sigurbjörn Jónsson, formaður KKÍ, samning til tveggja ára um áframhaldandi samstarf KKÍ og Lýsingar. Báðir aðilar lýstu yfir mikilli ánægju með samstarf liðinna ára og litu björtum augum á framtíðina.

Þegar búið var að skrifa undir samninginn hófs bikardrátturinn. Einar Bollason, heiðurskrosshafi KKÍ, sá um að draga.

Fyrst þurfti að draga fjögur annarar deildar lið til þess að leika í forkeppni. Sigurvegarar úr þeim viðureignum ávinna sér rétt til þess að leika í 32. liða úrslitum. Sindri fékk heimaleik gegn ÍBV og Glói fékk heimaleik gegn Leikni.

Þegar þetta var komið á hreint var hægt að draga í fyrir 32 liða úrslitin.
Það urðu þrír leikir þar sem að lið úr Iceland Express deildinni mætast. Grindavík fær Snæfell í heimsókn, KR tekur á móti Haukum og ÍR mætir Njarðvík í Seljaskóla.

1. umferð Lýsingarbikarsins - 32 liða útdráttur:

Leikur 1: UMFG - Snæfell
Leikur 2: UMFN b - Hamar/Selfoss
Leikur 3: Drangur - FSU
Leikur 4: Reynir S. - Hv. Riddarinn
Leikur 5: Þróttur Vogum - Þór Þ.
Leikur 6: Glói/Leiknir - KR b
Leikur 7: Þór Ak. - Fjölnir
Leikur 8: KR - Haukar
Leikur 9: Höttur - Keflavík
Leikur 10: Fjölnir b - Skallagrímur
Leikur 11: Sindri/ÍBV - Valur
Leikur 12: ÍR - UMFN
Leikur 13: Brokey - Stjarnan
Leikur 14: Breiðablik - Tindastóll
Leikur 15: Mostri - Breiðablik b
Leikur 16: KFÍ - Keflavík b

Leikirnir verða leiknir 24.-26. nóvember næstkomandi. Það verður gaman að fylgjast með því hverjir komast áfram og hvort að einhver neðri deildar lið nái að koma á óvart.