Jermaine Williams, bandaríski framherjinn hjá Keflavík, stóð sig best í 1. umferð Iceland Express deildar karla þegar tölfræði leikmanna er skoðuð. Williams fékk 33 í einkunn á leikvarpinu en hún er reiknuð út á sama hátt og Efficiency jafnan í NBA-deildinni. Hlynur Bæringsson hjá Snæfelli var annar og í þriðja sæti voru þeir Páll Axel Vilbergsson hjá Grindavík og Robert Hodgson hjá Þór úr Þorlákshöfn. Önnur umferðin hefst í kvöld með fjórum leikjum.

Jermaine Williams kórónaði frábæran leik sinn með Keflavíkurliðinu með því að skora sigurkörfuna í 87-84 sigri í framlengingu gegn Skallagrími. Williams var með 25 stig, 11 fráköst og 4 stoðsendingar í leiknum, nýtti öll sjö vítin sín og 9 af 14 skotum sínum utan af velli. Sigurkarfa hans var tveggja stiga karfa þar sem brotið var á honum og hann setti vítið niður. Þetta var í þriðja sinn sem hann skoraði þannig körfu í leiknum.

Hlynur Bæringsson varð í 2. sæti og hæstur íslenskra leikmanna en hann var með 22 stig og 19 fráköst í fjögurra stiga tapi Snæfellinga gegn KR í DHL-Höllinni. Hlynur tók flest fráköst allra leikmanna, Páll Axel Vilbergsson úr Grindavík skoraði mest og félagi hans úr Grindavík, Adam Darboe, gaf flestar stoðsendingar.

Önnur umferð Iceland Express deildar karla hefst í kvöld með fjórum leikjum og hefjast þeir allir klukkan 19.15. Grindavík tekur á móti Haukum í Grindavík, Skallagrímur fær Njarðvík í heimsókn í Borgarnes, Snæfell tekur á móti Fjölni í Hólminum og í Iðu á Selfossi spila Hamar/Selfoss og ÍR. Umferðinni lýkur svo með leik Keflavíkur og KR í Keflavík á mánudag og leik nýliða Tindastóls og Þórs úr Þorlákshöfn á Sauðárkróki á þriðjudagskvöldið.

Hæsta framlag í 1. umferð Iceland Express deildar karla:
1. Jermaine Williams Keflavík 33
2. Hlynur Bæringsson Snæfell 31
3. Páll Axel Vilbergsson Grindavík 29
3. Robert Hodgson Þór Þ. 29
5. Roni Leimu Haukar 28
6. Fannar Ólafsson KR 26
6. Ómar Örn Sævarsson ÍR 26
6. Jeremiah Sola KR 26
9. Magnús Þór Gunnarsson Keflavík 25
10. Darrell Flake Skallagrímur 24
10. Damon Bailey Þór Þ. 24
10. Níels Páll Dungal Fjölnir 24
13. Jovan Zdravevski Skallagrímur 23
13. Lamar Karim Tindastóll 23
15. Brenton J Birmingham Njarðvík 22
16. Magni Hafsteinsson Snæfell 21
16. Friðrik E Stefánsson Njarðvík 21
16. Gunnlaugur H Erlends Tindastóll 21
19. Kevin Smith Haukar 20
20. Lárus Jónsson Hamar/Selfoss 19
20. Steven Thomas Grindavík 19

Flest stig í 1. umferð Iceland Express deildar karla:
1. Páll Axel Vilbergsson Grindavík 30
2. Jovan Zdravevski Skallagrímur 27
3. Lamar Karim Tindastóll 25
3. Jermaine Williams Keflavík 25
5. Friðrik E Stefánsson Njarðvík 24
5. Steven Thomas Grindavík 24
5. Jeremiah Sola KR 24
5. Roni Leimu Haukar 24
5. Damon Bailey Þór Þ. 24

Flest fráköst í 1. umferð Iceland Express deildar karla:
1. Hlynur Bæringsson Snæfell 19
2. Darrell Flake Skallagrímur 13
3. Gunnlaugur Elsuson Tindastóll 12
3. Fannar Ólafsson KR 12
3. Magni Hafsteinsson Snæfell 12

Flestar stoðsendingar í 1. umferð Iceland Express deildar karla:
1. Adam Darboe Grindavík 10
2. Tyson Patterson KR 9
3. Roni Leimu Haukar 8
4. Sævar I Haraldsson Haukar 7
4. Justin Shouse Snæfell 7