Körfuboltavefurinn Karfan.is hefur fjallað vel um körfuboltann að undanförnu og þar á meðal hafa liðsmenn síðunnar spáð fyrir um gengi liðanna í Iceland Express deild kvenna. Karfan.is hefur síðustu daga birt umfjöllum um hvert lið í þeirri röð sem síðan spáir þeim. Deildin hefst á morgun með þríhöfða í Grindavík en opnunarleikurinn er jafnframt fyrstu leikur Hamars/Selfoss í efstu deild kvenna frá upphafi.

Liðsmenn Karfan.is spá því að Haukakonur vinni deildarmeistaratitilinn annað árið í röð og eru sammála spá þjálfara, fyrirliða og forráðamanna að öllu leiti nema því að þeir álíta að Grindavík og Keflavík verði jöfn í 2. til 3. sætinu. Nýliðar Hamars/Selfoss falla í 2. deild samkvæmt spá þeirra alveg eins og í þeirri sem var birt á kynningarfundi deildarinnar.

Þetta framtak þeirra á Karfan.is er til mikillar fyrirmyndar en með hverju félagi fylgir skemmtileg umfjöllum um liðið, hverjir skipa leikmannahópinn og þar er einnig yfirlit yfir helstu breytingarnar frá því á síðasta tímabili. Hér fyrir neðan má finna tengla á allar greinarnir á Karfan.is um liðin sex sem skipa efstu deild kvenna í vetur.

Spáin hjá Karfan.is í Iceland Express deild kvenna 2006-07:
1. sæti Haukar
2. til 3. sæti Keflavík
2. til 3. sæti Grindavík
4. sæti ÍS
5. sæti Breiðablik
6. sæti Hamar/Selfoss

Iceland Express deild kvenna hefst á á morgun og sú nýbreytni er nú á fyrstu umferðinni að hún er öll spiluð á sama degi á sama stað. Þetta er gert í tilefni af Ári kvennakörfunnar í Evrópu en því er fagnað með allskyns viðburðum út um alla Evrópu í allan vetur.

Leikirnir þrír eru spilaðir hver á fætur öðrum. Gestgjafar Grindavíkur vígja fyrst Hamarsstúlkur inn í efstu deild í opnunarleiknum sem hefst klukkan 13.00. Klukkan 15.00 spila síðan Haukar og ÍS sem hafa mætast þar þriðju helgina í röð en liðin mættust einnig í undanúrslitum Powerade-bikarsins og í meistarakeppninni. Lokaleikur dagsins er síðan á milli Keflavíkur og Breiðabliks en hann hefst klukkan 17.00.