Jón Arnór Stefánsson og félagar hans í Pamesa Valencia töpuðu 76-67 fyrir Polaris World Múrcia eftir að staðan í hálfleik hafði verið 39-34. Jón Arnór skoraði þrjú stig á rúmum 20 mínútum.

Jón Arnór missti af fyrsta leik mótsins á spáni vegna meiðsla sem að hann hlaut gegn Lúxemborg hér heima. Liðið hefur því tapað tveimur fyrstu leikjunum sínum, fyrst gegn Tau Ceramica 94-95 og nú 76-67 fyrir Polaris World Múrcia.

Jón Arnór lék í 20:39 og skoraði hann þrjú stig og tók tvö fráköst, hann nýtti 1 af þremur þriggja stiga skotum sínum, en var 0 af þremur í tveggja stiga skotum.

Pamesa Valencia eru í fjórtánda sæti deildarinnar.

Jón Arnór á eftir að komast betur inní leik liðsins, en þetta var fyrsti leikur hans í treyjunni númer 6.

Hægt er að skoða tölfræði leiksins hér.

(Frétt og mynd tekin af vef KR)