Átta liða úrslit Powerade bikarkeppninnar lauk í gær með þremur leikjum. Heimaliðið sigraði í öllum fjórum leikjunum í átta liða úrslitum og eru því fjögur efstu liðin síðan í fyrra komin áfram.
Skallagrímur mun leika gegn Keflavík klukkan 19:00 og Njarðvík mun mæta KR klukkan 21:00. Leikirnir munu fara fram í Laugardalshöll næstkomandi fimmtudag.

Á laugardaginn lögðu Njarðvíkingar Hamar/Selfoss að velli 99 - 79. Þrír leikmenn Njarðvíkur skoruðu yfir 20 stig í leiknum. Brenton Birmingham skoraði 26 stig, Friðrik Stefánsson 24 og Jeb Ivey 23. Hjá Hamri var Lewis Monroe stigahæstur með 30 stig.

Hinir leikirnir í átta liða úrslitum voru svo leiknir í gær.
Í vesturbænum fóru KR-ingar nokkuð létt með Grindvíkinga. Þeir léku á alls oddi í leiknum og skoruðu 7 leikmenn þeirra 10 stig eða meira. Lokatölur urðu 108 - 87 fyrir KR. Hjá Grindavík voru Páll Axel Vilbergsson og Steven Thomas langatkvæðamestir.
Það má lesa meira um leikinn hér.

Keflvíkingar unnu stórsigur á Tindastóli 100 - 62. Tveir nýjir leikmenn Keflavíkur, þeir Thomas Soltau og Sigurður Þorsteinsson, voru stigahæstir í leiknum en allir leikmenn Keflavíkur komust á blað í þessum leik. Lamar Karim var ekki jafn heitur og í fyrstu umferðinni en var þó stigahæstur með 22 stig.

Í Borgarnesi sigraði Skallagrímur Hauka með 101 stigi gegn 89. Dimitar Karadzovski og Jovan Zdravevski voru stigahæstur hjá Skallagrím en Kevin Smith og Roni Leimu skoruðu mest fyrir Hauka.
Þetta er í fyrsta sinn sem að Skallagrímur vinnur sér sæti á meðal hinna "fjögurra fræknu" en alls hafa 10 lið komist í fjögurra liða úrslit frá upphafi keppninnar.

Það verður gífurlega gaman að sjá leikina í fjögurra liða úrslitum á fimmtudaginn enda munu mætast þar liðin sem að voru í toppsætum deildarinnar síðastliðið vor. Þarna verða því leiknir stórleikir.

Það er ástæða til þess að hvetja alla áhugamenn um körfuknattleik til þess að mæta í Höllina og fylgjast með liðunum á fimmtudaginn.