KKÍ stendur fyrir dómaranámskeiði á Ísafirði og Bolungarvík um helgina.

Námskeiðið hefst kl. 18:00 á Ísafirði föstudaginn 29. september, en þá verður bóklegur hluti námskeiðsins tekinn fyrir. Áætlað er að dagskrá standi fram til kl. 22 á föstudagskvöld.

Á laugardeginum verður verklegur hluti, þar sem þátttakendur fá tækifæri til að dæma leik undir leiðsögn dómara. Verklegi hlutinn fer fram á Bolungarvík.

Athygli er vakin á því að frítt er á námskeiðið og eru Vestfirðingar hvattir til að mæta. Björgvin Rúnarsson FIBA dómari heldur utan um námskeiðið.

Hægt er að skrá sig á skrifstofu KKÍ í síma 514-4100 eða í tölvupósti.