Íslenska kvennalandsliðið leikur í dag síðasta leik sinn á þessu ári í b-deild Evrópukeppninnar í körfuknattleik. Þær taka á móti Írum og hefst leikurinn kl. 16:00 í Keflavík í dag.

Þegar þessum leik er lokið þá er keppnin hálfnuð, en seinni hluti keppninnar verður leikinn næsta haust.
Bæði liðin hafa tapað fyrir Noregi og Hollandi í haust og stefna því á sinn fyrsta sigur í dag. Ef að stelpunum okkar tekst að sigra í dag þá komast þær í þriðja sætið í sínum riðli.

Írska liðið kom til landsins í gær. Þær fóru á æfingu í gærkvöldi og svo aftur í morgun svo að þær eru klárar í slaginn.
Íslenska liðið þarf að eiga góðan leik í dag til þess að ná að sigra gestina frá Írlandi. Það er ljóst að stelpurnar eiga mikið inni frá því í leiknum við Noreg. Vonandi ná þær að leika sinn besta leik í dag og knýja fram sigur.