© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
9.9.2006 | 9:29 | OOJ | Landslið
Fyrsti evrópuleikurinn hjá stelpunum í Rotterdam í dag
A-landslið kvenna á æfingu í Hollandi
Íslenska kvennalandsliðið spilar í dag sinn fyrsta leik í b-deild evrópukeppninnar en leikurinn fer fram í Rotterdam í Hollandi. Spilað er í Toppsportcentre-höllinni sem er við hlið Feyenoord-leikvangsins. Íslenska liðið kom til Rotterdam í gær og hópnum líst vel á allar aðstæður í Hollandi. Leikurinn hefst klukkan 19.30 að hollenskum tíma sem er klukkan 17.30 heima á Íslandi. Þetta er fyrsti leikurinn af þremur í evrópukeppninni í haust en næstu laugardaga munu hin liðin í riðlinum, Noregur og Írland, sækja íslenska landsliðið heim.

Hollenska liðið er mjög sterkt og ætlar sér stóra hluti í keppninni. Holland spilaði 11 æfingaleiki á síðustu þremur vikunum fyrir leikinn og því má búast við erfiðum leik í kvöld. Holland endaði í þriðja sæti í sínum riðli í síðustu evrópukeppni. Liðið vann þá þrjá leiki, tapaði þremur og endaði á eftir Slóveníu og Portúgal. Holland spilar heimaleik sinn í Rotterdam þar sem liðið vann báða leiki sína gegn Portúgal og Makedóníu en liðið tapaði heimaleiknum sem það spilaði ekki í Toppsportcentre-höllinni.

Íslenska liðið æfði í höllinni í gær og allar eru ómeiddar og klárar í slaginn. Margar í liðinu eru að spila sinn fyrsta alvöruleik en þær yngri búa þó að því að hafa spilað í evrópukeppninni með yngri landsliðum. Landsliðsþjálfarinn Guðjón Skúlason stjórnar liðinu líka í fyrsta sinn í dag og því verður spennandi að sjá hvernig til tekst í dag.

Systurnar Leonie og Laura Kooij verða örugglega í aðalhlutverki hjá Hollandi í leiknum en þær skoruðu flest stigin að meðaltali fyrir hollenska liðið í síðustu keppni. Aðrar sem þarf að hafa auga á í leiknum í dag er 190 sm miðherjinn Marloes Roetgerink, leikstjórnandinn Tanya Bröring og skotbakvörðurinn Irene Sloof svo að einhverjar séu nefndar af aðalleikmönnum liðsins. Líkt og hjá íslenska liðinu þá spila allir leikmenn Hollands í heimalandi sínu.
Mótayfirlit
Mótayfirlit allra flokka
Strákar úr Stjörnunni í Garðabæ í æfingabúðum á Laugarvatni sumarið 1997, ásamt þjálfara sínum Birni Leóssyni.
DómarahorniðLeiðararTölfræðiSaganViðtalið