Íslenska landsliðið tapaði í fyrsta leik æfingamóts í Hollandi 94-91 fyrir gestgjöfunum, Hollandi. Nánari fréttir af leiknum á morgun.

Hollendingar voru betri aðilinn í fyrri hálfleik og leiddu 47-34 í hálfleik. Íslenska liðið náði upp goðri baráttu í seinni hálfleik og fór svo ða endanum að Hollendingar tryggðu sér sigur með þriggja stiga skoti um leið og leikurinn rann út.

Brenton Birmingham var stigahæstur með 20 stig, Magnús Þór Gunnarsson 15 stig, Jakob Sigurðarson 13 stig, Logi Gunnarsson og Hlynur Bæringsson skoruðu 10 stig hvor. Aðrir sem komust á blað voru Friðrik Stefánsson og Helgi Már Magnússon sem skoruðu báðir 8 stig, Jón Norðdal Hafsteinsson sem skoraði 3 stig og síðan þeir Páll Axel Vilbergsson og Fannar Ólafsson sem voru með 2 stig hvor. Egill Jónasson og Kristinn Jónasson spiluðu báðir en skoruðu ekki.