Val á liði aldarinnar var tilkynnt í hálfleik á bikarúrslitaleikjunum í dag. 50 manna dómnefnd valdi lið aldarinnar í karlaflokki og 25 manna dómnefnd í kvennaflokki. Leikmenn aldarinnar eru Pétur Guðmundsson og Anna María Sveinsdóttir.

Lið aldarinnar í kvennaflokki er þannig skipað: Björg Hafsteinsdóttir Keflavík, Linda Jónsdóttir KR, Linda Stefánsdóttir KR, Guðbjörg Norðfjörð KR og Anna María Sveinsdóttir Keflavík eru í byrjunarliðinu. Á bekknum eru Emilía Sigurðardóttir KR, Erla Reynisdóttir Keflavík, Alda Leif Jónsdóttir Holbæk, Hafdís Helgadóttir ÍS, Hanna Kjartansdóttir KR, Erla Þorsteinsdóttir Keflavík og Kolbrún Leifsdóttir ÍS.

Í karlaflokki er byrjunarliðið skipað eftirtöldum leikmönnum: Jón Sigurðsson KR, Jón Kr. Gíslason Keflavík (lengst af), Teitur Örlygsson UMFN, Valur Ingimundarson UMFN, Tindastól og Pétur Guðmundsson (lengst af í NBA), eru í byrjunarliði. Á bekknum eru: Þorsteinn Hallgrímsson ÍR, Pálmar Sigurðsson Haukum (lengst af), Kolbeinn Pálsson KR, Torfi Magnússon Val, Símon Ólafsson Ármanni (lengst af), Guðmundur Bragason Grindavík (lengst af) og Einar Bollason KR (lengst af).

Þjálfari aldarinnar var kjörinn Einar Bollason og aðstoðarþjálfari Friðrik Ingi Rúnarsson.

Dómari aldarinnar var kjörinn Jón Otti Ólafsson og aðstoðardómari Leifur Garðarsson.