© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
23.7.2006 | 21:58 | OOJ
Tap fyrir Lettum og stelpurnar komust ekki i milliriðilinn
Lettar brutu
Íslenska 18 ára landslið kvenna tapaði með sjö stiga mun, 57-64, í lokaleik sínum í riðlinum í evropukeppninni í Chieti á Ítalíu og endaði þar með í 3. sæti í riðlinum á eftir Lettum og Ukraínu. Íslenska liðið þurfti að vinna leikinn með 13 stigum til þess að komast í keppni þeirra átta bestu og stelpurnar leika því um 9. til 14. sæti á mótinu. Fyrsti leikurinn er gegn Englandi á þriðjudaginn en liðið spilar einnig gegn Portúgal, Makedóníu, Finnlandi og Írlandi í baráttu sinni um 9. sætið. Helena Sverrisdóttir var stigahæst gegn Lettum með 22 stig auk 13 frákasta og 5 stoðsendinga.

Leikurinn byrjaði vel, íslenska liðið komst í 10-3 og 14-7 en lettneska liðið náði að minnka muninn í 3 stig, 14-11, fyrir lok fyrsta leikhlutans. Lettneska liðið vann síðan fyrstu fimm mínútur annars leikhlutans 13-3 og náði frumkvæðinu í leiknum. Íslenska liðið minnkaði muninn í eitt stig fyrir halfleik, 29-30 og komst yfir, 43-41, þegar þriðji leikhlutinn var hálfnaður. Átta lettnesk stig í röð breytttu þvi fljótt og það sem eftir var leiksins var á brattann að sækja fyrir íslensku stelpurnar. Leikurinn fór fram í miklum hita og þrátt fyrir mikla baráttu tókst stelpunum ekki að halda út og í lokin skildu sjö stig á milli liðanna, 57-64.

Helena Sverrisdóttir skoraði 22 stig í leiknum en fékk að kenna á því hjà lettunum allan timann sem brutu 15 sinnum á henni þannig að dómararnir tóku eftir en oftar en ekki vildi íslenski hópurinn fá meira þegar tekið var hart á fyrirliðanum. Helena tók alls 24 vitaskot í leiknum en hitti ekki vel hvort sem er af linunni (24/15) eða í skotum utan af velli (20/3) en hun fékk að því er virtist oft mikla hjálp frá lettnestu varnarmönnunum í klikkum sínum í kringum körfuna. María Ben Erlingsdóttir kom næst henni með 13 stig og Bryndís Guðmundsdóttir skoraði 12 stig.

Atkvæðamestar hjá íslenska liðinu í leiknum við Letta:
Helena Sverrisdóttir 22 stig (13 fráköst, 5 stoðsendingar, 5 stolnir boltar, 15 fiskaðar villur)
María Ben Erlingsdóttir 13 stig (7 fráköst)
Bryndís Guðmundsdóttir 12 stig (6 fráköst)
Ingibjörg Elva Vilbergsdóttir 6 stig
Margrét Kara Sturludóttir 3 stig (9 fráköst, 3 varin skot)
Sigrún Ámundadóttir 1 stig (5 fráköst)

Á morgun er langþráður hvíldardagur en svo tekur við riðlakeppni þar sem er spilað um 9. til 14. sæti. Þar spilar íslenska liðið við England, Portúgal, Makedóníu, Finnland og Írland og er fyrsti leikurinn við Englendinga á þriðjudaginn
.
Mótayfirlit
Mótayfirlit allra flokka
Frá leik Vals og Hauka í Laugardalshöll árið 1983.
DómarahorniðLeiðararTölfræðiSaganViðtalið