© 2000-2021 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
28.5.2006 | 14:56 | OOJ
18 ára stelpurnar unnu silfrið annað árið í röð
Helena var kosin besti leikmaður NM
Stelpurnar í 18 ára liðinu náðu ekki að endurtaka leikinn frá því fyrir tveimur árum og tryggja sér Norðurlandameistaratitilinn. Liðið tapaði með 15 stigum fyrir Svíum, 64-79, í úrslitaleiknum í dag. Helena Sverrisdóttir skoraði 33 stig í leiknum en fór útaf með fimm villur þegar tæpar fimm mínútur voru eftir. Helena var valinn besti leikmaður mótsins og María Ben Erlingsdóttir komst einnig í úrvalsliðið.Íslenska 18 ára landslið kvenna hefur þar með unnið silfur á Norðurlandamótinu tvö ár í röð en í bæði skiptin voru það heimamenn Svíar sem urðu Norðurlandameistarar.

Íslenska liðið hélt í við Svía fyrstu fimm mínútur leiksins en síðan fóru heimastúlkur að síga fram úr og það var eins og það vantaði hreinlega meiri kraft og leikgleði í íslenska liðið. Svíþjóð var 6 stigum yfir eftir 1. leikhluta, 15-21, og var komið með 14 stiga forskot í hálfleik, 25-39.

Upphafsmínútur seinni hálfleiks fóru síðan með möguleika íslenska liðsins á að koma sér inn í leikinn á nýjan leik því Svíar juku muninn í 20 stig, 29-49, fyrstu 3 mínútur hans. Með góðum kafla náðu íslensku stelpurnar að minnka muninn niður í 6 stig undir lok þriðja leikhlutans, 49-55, en Svíar skoruðu lokakörfuna og voru yfir 49-57 fyrir lokaleikhlutann. Svíar gáfu síðan engin færi á sér í 4. leikhluta og unnu á endanum með 15 stigum, 64-79.

Helena Sverrisdóttir var með 33 stig, 8 fráköst og 5 stoðsendingar í leiknum en tapaði boltanum alls 10 sinnum og það var í töpuðum boltum (29 alls í leiknum) sem möguleikar íslenska liðsins runnu helst út í sandinn. Þetta var fyrsta tap íslenska 1988-árgangsins á Norðurlandamótinu síðan í fyrsta leik í keppni 16 ára liða árið 2004 en íslensku stelpurnar höfðu fyrir leikinn unnið 8 leiki í röð. Helena og María Ben Erlingsdóttir voru báðar í úrvalsliði mótsins ásamt þremur sænskum stelpum og Helena Sverrisdóttir var kosin besti leikmaður mótsins.

18 ára konur, úrslitaleikur
Ísland-Svíþjóð 64-79 (15-21, 25-39, 49-57)
Stig Íslands: Helena Sverrisdóttir 33 (8 fráköst, 5 stoðsendingar), María Ben Erlingsdóttir 13, Bryndís Guðmundsdóttir 8 (5 fráköst), Bára Bragadóttir 4, Ingibjörg Elva Vilbergsdóttir 2 (7 fráköst), Margrét Kara Sturludóttir 2 (5 fráköst), Sigrún Ámundadóttir 2.
Mótayfirlit
Mótayfirlit allra flokka
Þann 31. október 2006 varð Indíana Sólveig Marquez fyrsta konan til að dæma í efstu deild kvenna í körfuknattleik á Íslandi.  Þá dæmdi hún leik ÍS og Keflavíkur ásamt Rögnvaldi Hreiðarssyni.
DómarahorniðLeiðararTölfræðiSaganViðtalið