© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
26.5.2006 | 16:42 | OOJ
Þrír góðir sigrar í dag - tveir á Dönum og einn á Finnum
Snorri Páll skoraði 22 stig gegn Dönum í dag
Íslensku landsliðin unnu öll leiki sína áðan á Norðurlandamóti unglinga í Svíþjóð. 18 ára lið karla vann 95-94 sigur á Dönum, 18 ára lið kvenna vann 86-67 sigur á Finnum og 16 ára lið karla vann sinn fyrsta leik a mótinu þegar strákarnir unnu 78-74 sigur á Dönum. 18 ára lið karla og kvenna hafa þar með unnið alla 3 leiki sína á mótinu og öll eiga liðin enn góöa möguleika að keppa um verðlaun hér í Svíþjóð.

18 ára lið karla vann nauman eins stigs sigur á Dönum í dag, 95-94, í leik sem var allan tímann í höndum íslenska liðsins sem náði þó aldrei að losa sig vid danska liðið sem skoraði alls 17 þriggja stiga körfur í leiknum þar á meðal lokakðrfu leiksins um leið og tíminn rann út. Íslensku strákarnir komust mest 13 stigum yfir í lok 3ja leikhluta, 76-63 en skoruðu aðeins 4 stig gegn 10 síðustu tvær mínútur leiksins sem nærri þvi nægðu danska liðin til þess að tryggja sér framlengingu. Sigur íslenska liðsins tryggði liðinu sæti í úrslitaleiknum þrátt fyrir að liðið eigi eftir að mæta Finnum á morgun.

18 ára lið karla
Ísland-Danmörk 95-94 (26-22, 50-44, 76-63)
Stig Íslands: Hörður Axel Vilhjálmsson 24 (9 stoðsendingar), Brynjar Þór Björnsson 24, Hjörtur Hrafn Einarsson 13, Sigurður Gunnar Þorsteinsson 12 (9 fráköst, 4 varin), Hördur Hreiðarsson 8 (9 fráköst), Þröstur Jóhannsson 8 (10 fráköst, 3 varin), Hafþór Björnsson 2, Þórir Guðmundsson 2.

Stelpurnar í 18 ára liðinu unnu sannfarandi sigur á Finnum þar sem María Ben Erlingsdóttir átti frábæran leik og skoraði 30 stig og þær Helena Sverrisdóttir (19 stig, 10 stoðsendingar, 8 fráköst) og Bryndís Guðmundsdóttir gældu báðar við þrefalda tvennu. Eftir jafnan fyrsta leikhluta (21-20) þá tók íslenska liðið öll völd í öðrum leikhluta og var komið 12 stigum yfir í hálfleik, 41-29. Íslenska liðið skoraði síðan 13 af fyrstu 15 stigum seinni hálfleiks og náði mest 23 stiga forskoti í leiknum en í lokin skildu 21 stig liðin. Stelpurnar tryggja sér sæti í úrslitaleiknum með sigri á Dönum á morgun.

18 ára lið kvenna
Ísland-Finnland 86-67 (21-20, 41-29, 62-44)
Stig Íslands: María Ben Erlingsdóttir 30 (5 fráköst, hitti úr 14 af 19 skotum sínum), Helena Sverrisdóttir 19 (10 stoðsendingar, 8 fráköst, 4 stolnir), Ingibjörg Elva Vilbergsdóttir 12 (5 stoðsendingar), Bryndís Guðmundsdóttir 10 (12 fráköst, 9 stoðsendingar, 4 stolnir), Sigrún Ámundadóttir 8 (5 fráköst), Ingibjörg Skúladóttir 2, Ragnheiður Theodórsdóttir 2, Margrét Kara Sturludóttir 1.

Eftir erfiðan gærdag var kærkomið fyrir 16 ára lið karla að vinna fyrsta sigur sinn á mótinu í dag. Liðið reif sig upp eftir töp gegn Finnum og Svíum í gær og vann 4 stiga sigur á Dönum í hörkuleik, 78-74. Danska liðið var komið 9 stigum yfir, 22-13, eftir fyrsta leikhluta en góður annar leikhluti sem vannst 27-15, færði íslenska liðinu 3 stiga forskot í hálfleik, 40-37 og frumkvæðið í leiknum. Seinni hálfleikurinn var mjög spennandi. Íslensku strákarnir sýndu mikinn styrk med því að vinna síðustu tvær mínútur leiksins 8-2 og þar með leikinn með 4 stigum, 78-74. Danir höfðu 4 stiga forskot, 68-72, þegar rúmar 2 mínútur voru eftir. Þess má geta að þjálfari danska liðsins er Thomas Fjoldberg og hann þjálfaði tvo af þremur stigahæstu leikmönnum íslenska liðsins (Sigmar 22, Hjörtur 13) hjá Breiðabliki í vetur.

16 ára lið karla
Ísland-Danmörk 78-74 (13-22, 40-37, 59-54)
Stig Íslands: Snorri Páll Sigurðsson 22 (9 fráköst, 3 stolnir), Sigmar Björnsson 22, Hjörtur Halldórsson 13 (8 fráköst), Örn Sigurðarson 10, Þorgrímur Guðni Björnsson 5, Víkingur Ólafsson 3, Pétur Jakobsson 3.

Mótayfirlit
Mótayfirlit allra flokka
Hannes S. Jónsso, formaður KKÍ og Helga Guðjónsdóttir, formaður UMFÍ, undirrita samning vegna Unlingalandsmóts 2009 á Sauðárkróki.
DómarahorniðLeiðararTölfræðiSaganViðtalið