Þriðji leikur Njarðvíkur og Skallagríms um Íslandsmeistaratitilinn fer fram í Njarðvík á laugardaginn kemur, 15. apríl. Leikurinn, sem verður sýndur beint á Sýn, hefst kl. 16:00.

Skallagrímur jafnaði einvígið á mánudaginn, eftir að hafa tapað fyrsta leiknum í Njarðvík sl. laugardag. Búist er við húsfylli á leikinn og því eins gott að mæta snemma til að komast inn. Uppselt var á leikinn í Borgarnesi á mánudag eins og fram hefur komið.

Fjórði leikurinn í einvíginu verður í Borgarnesi á mánudag, annan dag páska kl. 20:00 og komi til fimmta leiks þá verður hann í Njarðvík fimmtudaginn 20. apríl.