Florida Gators gjörsigraði lið UCLA Bruins 73-57 í úrslitum í bandarísku háskóladeildinni. Þetta er fyrsti titillinn í sögu Florida skólans.

Það var fyrst og fremst frábær varnarleikur og skynsamur og óeigingjarn sóknarleikur sem skóp sigur Florida. Þeir voru betri frá fyrstu mínútu og unnu verðskuldaðan sigur. Florida náði snemma góðri forystu um miðjan fyrri hálfleikinn 30-17 og héldu þeirri forystu út hálfleikinn. Staðan í hálfleik 36-25. Joakim Noah var hreint frábær í hálfleiknum og varði alls 5 skot. Jordan Farmar var eini með lífsmarki í liði Bruins og setti 12 stig í hálfleiknum.

Nánar um leikinn á karfan.is.