Úrslitakeppnin í Skólahreysti fór fram í Laugardalshöllinni um helgina. Salaskóli bar þar sigur úr býtum en liðið samanstendur af tveim strákum og tveim stelpum. Báðir strákarnir, Arnar Rafn Óðinsson og Atli Örn Egilsson, æfa körfubolta með 10. flokki Breiðabliks.

Salaskóli fékk 59 stig og vann til glæsilegra verðlauna. Þau hrepptu meðal annars 200 þús. kr. peningaverðlaun sem renna til nemendafélags Salaskóla, auk þess sem keppendur fengu PSP leikjatölvu, ostakörfu og jafnframt bikar til eigna fyrir skólann.

Athygli vakti að fjórir skólar úr Kópavogi komust í úrslit í keppninni. Lindaskóli lenti í þriðja sæti með 55 stig, Smáraskóli lenti í 5. sæti með 46,5 stig og Digranesskóli lenti í 8. sæti með 38 stig.

Til hamingju með sigurinn krakkar og greinilegt er að menn komast í hörkuform með því að æfa körfubolta!

Af vef Breiðabliks.