Þriðja viðureign Keflavíkur og Skallagríms í undanúrslitum Iceland Express deildarinnar verður í beinni útsendingu á Sýn í kvöld 30. mars, kl. 20.00. Leikurinn fer fram í Keflavík en liðin hafa unnið einn leik hvort. Þriðji leikurinn í hinni undanúrslitaviðureigninni verður í Njarðvík annað kvöld 31. mars kl. 19.15 en þar er staðan einnig jöfn 1-1.

Fjórðu viðureignirnar verða mánudaginn 3. apríl kl. 20.00 þá mætast Skallagrímur og Keflavík í Borgarnesi og KR og Njarðvík í DHL höllinni við Frostaskjól. Bein útsending verður frá Borgarnesi og jafnframt fylgst með leiknum í DHL höllinni og innskot þaðan.