Stjórn Körfuknattleikssambands Íslands hefur ákveðið að ársþing sambandsins verði haldið í Rimaskóla í Reykjavík 6. – 7. maí næstkomandi.

Til upplýsingar fylgir hér að neðan 5. grein laga KKÍ varðandi ársþing.

"Körfuknattleiksþingið fer með æðsta vald á málefnum KKÍ. Þingið sitja fulltrúar frá þeim aðilum sem mynda KKÍ. Fulltrúafjöldi hvers aðila fer eftir tölu virkra körfuknattleiksiðkenda og skal miðað við kennsluskýrslur hverju sinni þannig að fyrir allt að 50 iðkendur koma 2 fulltrúar og síðan 1 fyrir hverja 50 eða brot úr 50 fram yfir það.

Málefni sem sambandsaðilar óska að tekin verði fyrir á þinginu skulu tilkynnt stjórn KKÍ minnst 21 degi fyrir þing. Þá skal stjórn KKÍ kynna sambandsaðilum dagskrá þingsins ásamt ársskýrslu í síðasta lagi 2 vikum fyrir þing.