Vefir félaganna hafa tekið drjúgan þátt í úrslitakeppninni það sem af er. T.d. má nefna umfjöllun vefja KR og Snæfells af einvígi félaganna í 8-liða úrslitunum Iceland Express-deildarinnar.

Á vef Snæfells er t.d. að finna lýsingu á öðrum leik liðanna í Stykkishólmi atvik fyrir atvik, en gaman er að renna yfir listann og sjá hvað gekk mikið á í leiknum. Upphaflega mun þessi atvikalýsing þó vera ættuð af vef KR.

Á vef KR er myndbrot sem sýnir sigurkörfuna í leiknum í Stykkishólmi og þar er einnig að finna veglegt myndband úr oddaleiknunum með viðtölum fyrir og eftir leik.

Víst er að viðureign KR og Snæfells verður lengi í minnum höfð, enda einstaklega spennandi. Úrslitakeppnin farið afar vel af stað og 8-liða úrslitin voru æsispennandi í heild, þótt oddleikurinn yrði aðeins einn. Áhorfendur, sem fjölmennst hafa á leikina, hafa heldur ekki farið sviknir heim, enda mikil spenna í öllum leikjum.

DV gerir einvígið upp í dag og kemst að þeirri niðurstöðu að þeir Fannar Ólafsson og Skarphéðinn Ingason hafi dregið vagninn fyrir KR. Fróðleg grein um þetta í DV í dag.

Karfan.is hefur ekki látið sitt eftir liggja í úrslitakeppninni og eru myndasyrpurnar þeirra einstaklega vel heppnaðar. T.d. má benda á frábæra syrpu frá leik Grindavíkur og Skallagríms .

Undanúrslitin byrja á laugardaginn, en fram að því er nóg um að vera í úrslitakeppni Iceland Expressdeildar kvenna sem hófst í gær og úrslitakeppni 1. deildar karla, sem hefst annað kvöld. Sjá nánar tímasetningar leikjanna undir næstu leikir hér til hægri á vefnum.