KR varð um helgina Íslandsmeistari í minnibolta drengja og Haukar í 8. flokki kvenna. Þetta eru fyrstu Íslandsmeistarar ársins í yngri flokkunum, en úrslitamótin hófust um helgina.

Minniboltamótið fór fram í Borgarnesi og það voru heimamenn sem veittu KR-ingum hvað harðasta keppni. Nánar um mótið á vef KR.

Í Hveragerði voru það heimastúlkur í Hamri/Selfossi sem urðu í öðru sæti, en Haukar urðu einnig Íslandsmeistarar í þessum árgangi í 7. fl. í fyrra.

Breiðablik fékk einnig fékk gullverðlaun sín afhent um helgina, en liðið sigraði í í 2. deild í minnibolta stúlkna. Nánar á vef Breiðabliks.

Um næstu helgi fer fram úrslitakeppni í 7. flokki karla og kvenna, en leikið verður í Kópavogi og Keflavík.