Vegna bilunar í netþjóni lá kki.is niðri í gærkvöldi og fram eftir degi í dag. Búið er að komast að því hvað var að, en það mun hafa verið bilun í netþjóni sem orsakaði að vefurinn datt út hvað eftir annað.

KKÍ biðst velvirðingar á þeim óþægindum sem þetta hefur haft í för með sér. Netverjar gátu til að mynda ekki séð úrslit leikanna í 14. umferð Epson-deildarinnar í gær eða tölfræði þeirra.

Að sögn tölvufyrirtækisins sem rekur netþjóninn verður allt gert til þess að þetta endurtaki sig ekki, en brögð hafa verið að því alla þessa viku að vefurinn liggi niðri.