Á morgun, laugardag, verður dregið í riðla í A og B-deildum Evrópukeppni landsliða og fer drátturinn fram í Madrid á Spáni. Ísland tekur þátt í B-deild bæði í karla og kvennaflokki, kvennaliðið tekur nú þátt í fyrsta sinn í sögunni.

Ísland er í fjórða styrkleikaflokki í drættinum, bæði í karla og kvennaflokki. Í karlaflokki taka 14 þjóðir þátt í B-deildinni, en 9 í kvennaflokki.

Í A-deild karla eru Króatía, Rússland, Ísrael og Búlgaría í 1. styrkleikaflokki, en þess ber að geta að tíu sterkustu löndin komust beint í úrslitakeppnina og þurfa ekki að taka þátt í riðlakeppninni. Svíþjóð er í þriðja styrkleikaflokki í A-deild og Danmörk, sem vann sér sæti í A-deild eftir sigur á Íslandi og Írlandi sl. haust, er í fjórða styrkleikaflokki.

Í B-deildinni eru Holland, Írland og Austurríki í 1. styrkleikariðli, í 2. styrkleikariðli eru: Slóvakía, Sviss og Georgía, í þriðja styrkleikariðli eru: Hvíta Rússland, Finnland og Kýpur, í fjórða riðli: Ísland, Rúmenía og Albaníu og í fimmta styrkleikariðli eru: Lúxemborg og England.

Hjá konunum eru Lettland, Pólland, Tyrkland, Sebía og Grikkland í efsta styrkleikariðla A-deildar. Í B-deildinni eru Írland og Portúgal í 1. styrkleikariðla, Noregur og Bosnía og öðrum, Holland og Eistland í þriðja, Ísland og Lúxemborg í fjórða og England í fimmta styrkleikariðli.

Leikir í B-deildinni verður leikið haustið 2006 og 2007. Leikdagar karlanna næsta haust verða 3. 6. 9. 13. og 16. september og hjá konunum verður leikið 9. 16. 20. og 24. september 2006 og svo aftur haustið 2007.