Aganefnd KKÍ dæmdi A.J. Moye leikmann Keflavíkur í Iceland Express-deildinni í þriggja leikja bann á fundi sínum í dag. Bannið tekur gildi á hádegi nk. föstudag 6. janúar.

Aganefnd barst kæra frá UMFN vegna olbogaskots Moye í andlit Jeb Ivey leikmanns UMFN í leik liðanna þann 30. desember sl. ásamt myndbandi af atvikinu. Dómarar leiksins sáu ekki umrætt atvik.

Á fundinum voru Morten Szmiedowich leikmaður Hauka og Hallgrímur Brynjólfsson leikmaður Hamars/Selfoss í Iceland Express-deildinni dæmdir í eins leiks bann hvor vegna brottvísunar í leikjum í deildinni þann 29. desmber sl.

Á fundi nefdarinnar á milli jóla og nýjár voru þeir Jón Guðbrandsson þjálfari Reynis S. í 1. deild karla og Arnar Guðjónsson leikmaður Sindra í 2. deild karla dæmdir í eins leiks bann hvor vegna brottvísana.