Haukar ljúka keppni í FIBA Europe cup kvenna í kvöld þegar liðið mætir Ribera á Sikiley. Haukar hafa tapað öllum leikjum sínum í keppninni með miklum mun, en eru reynslunni ríkari eftir. Á vef Hauka er frétt um þátttöku liðsins í keppninni.

Á vef Hauka er fjallað um þátttöku Hauka í Evrópukepppninni:
Sú reynsla sem forsvarsmenn deildarinnar hafa fengið af samskiptum við FIBA-Europe og fjármögnun þessa verkefnis er mjög mikils virði og mun nýtast vel þegar deildin tekur þátt að nýju. Nú erum við reynslunni ríkari og höfum náð að greina þá þætti sem mestu máli skipta. Það er auðveldlega hægt að færa rök fyrir því að þekkingin og reynslan sé ígildi fjárfestingar sem mun skila sér í hagkvæmari og öruggara utanumhaldi í framtíðinni.

Haukar voru fyrst íslenskra kvennaliða til að taka þátt. Ekkert annað kvennalið frá Skandinaviu tók þátt. Við brutum blað í sögunni og deildin hefur fundið fyrir mikilli athygli og jákvæðri umfjöllun í fjölmiðlum fyrir vikið. Haukar geta verið stoltir af þáttökunni. Jafnréttisnefnd Hafnarfjarðar sá ástæðu til að styðja við verkefnið með 200.000 króna styrk, enda augljóst jafnréttismál á ferðinni.

Nánar á vef Hauka.