Síðastliðinn laugardagsmorgun hélt KKÍ málþing um mótahald yngri flokka í Café Easy í Laugardal. Mætingin á málþingið var ekki sérstaklega góð, en þó voru nokkrir komnir langt að.

Hæst bar á góma lengd keppnistímabils yngri flokka, leiktími í yngri flokkum, framkvæmd fjölliðamóta og dómaramál í yngri flokkum og mynduðust nokkuð líflegar umræður um þessi mál. Tæpt var á ýmsum öðrum málefnum og er ljóst að milliþinganefnd um málefni yngri flokka fékk þarna brennivið fram á vor.