Í dag kl. 14:00 verður dregið í 32-liða úrslitum karla í bikarkeppni KKÍ & Lýsingar. Dregið verður í íþróttamiðstöðinni í Laugardal. Alls eru 33 lið í pottinum.

Öll liðin sem eru í tveimur efstu deildum karla eru í pottinum, en auk þeirra hafa eftirtalin lið verið skráð til leiks: KR b, Keflavík b, ÍA, Leiknir, Brokey, Þróttur V., Valur b, Haukar b, UMFL, Léttir og Sindri. Tvö þessara liða munu mætast í forkeppni.

Í kvennaflokki eru 15 lið skráð til keppni. Dregið verður í þeirri keppni um leið og dregið verður í 16-liða úrslit karla.

Leikirnir í 32-liða úrslitunum fara fram helgina 10.-11. desember eða þar í kring.