Leik ÍR og UMFG í Iceland Express-deildinni, sem vera átti í dag kl. 16:15 í Seljaskóla, hefur verið frestað til morguns þar sem ÍR-ingar eru veðurtepptir á Egilsstöðum.

Leikurinn átti að vera í beinni útsendingu í Ríkissjónvarpinu, en því miður fellur sú útsending niður. Nýr leiktími er kl. 19:15 á sunnudagskvöld.

Þá hefur fjölliðamóti í 9. flokki karla, sem vera átti á Höfn í Hornafirði um helgina, verið frestað vegna veðurs og ófærðar.