Kristinn Albertsson dómari úr Breiðablik dæmir sinn 400. leik í úrvalsdeild í kvöld, þriðjudaginn 15. janúar 2001, er hann dæmir leik Vals gegn Tindastól.

Hefur enginn dómari dæmt svo marga leiki í úrvalsdeild karla. Kristinn dæmdi sinn fyrsta leik í úrvalsdeild 16 ára gamall, þann 25. febrúar 1982. Meðdómari hans í þeim leik, sem var leikur ÍS og Njarðvíkur í Kennaraháskólanum, var Gunnar Valgeirsson.

Í þeim leik skoraði Valur Ingimundarson 34 stig fyrir Njarðvík. Í 400.
leik Kristins verður Valur einnig þátttakandi en í öðru hlutverki.
Meðdómari Kristins á þriðjudaginn er Bjarni G. Þórmundsson einnig úr Breiðablik, þetta er jafnframt hans fyrsti leikur í úrvalsdeildinni.

Auk þess að hafa dæmt þessa 400 leiki og vera leikjahæsti dómari í úrvalsdeild hefur Kristinn dæmt 81 leik í úrslitkeppni úrvalsdeildar og er þar einnig leikjahæstur.