Bill Guthridge fyrrum aðal- og aðstoðarþjálfari North Carolina- háskólans mun standa fyrir þjálfaranámskeiði í hinni nýju og glæsilegu húsakynnum íþróttaakademíunnar í Reykjanesbæ þann 17.-18. september nk.

Bill var aðstoðarþjálfari North Carolina í 30 ár og aðalþjálfari liðsins í þrjú ár. Hann var auk þess þjálfari landsliðs USA ásamt Dean Smith(North Carolina) og John Thompson (Georgetown) árið 1976 þegar bandaríska liðið vann til gullverðlauna. Bill spilaði undir stjórn Tex Winter hjá Kansas State og hóf þjálfara feril sinn undir hans stjórn einnig.

Þann tíma sem Guthridge starfaði hjá North Carolina komst skólinn í 28 sinnum í úrslitakeppnina. Skólinn vann 16 ACC-meistaratitla, fór 13 sinnum í Final Four og vann tvo NCAA-meistaratitla. Enginn þjálfari í sögu NCAA-körfuboltans hefur unnið eins marga leiki yfir tveggja ára tímabil eða 58 talsins.

Bill Guthridge var valinn körfuboltaþjálfari árisins í Bandaríkjunum tímabilið 1997-98. Það er mikill heiður að fá þennan reynslubolta og snilling til landsins til að auðga visku okkar ágætu körfubolta þjálfara.

Námskeiðið:

Laugardagur 17. sep: 10:00-12:00. Hraðaupphlaup, sókn í kjölfar hraðaupphlaups, frjálsar sóknir.

Matarhlé

13:00-15:00. Stutt sóknarkerfi, maður á mann vörn.

Sunnudagur 18. sep: 10:00-10:00. Svæðisvörn.
11:00-11:30. Fyrirspurnir.

Matarhlé

12:30-14:00 Stjórnun æfinga.

Verð fyrir þjálfara er 4.000. kr. Nánar upplýsingar veitir Tómas í síma 899-0525.

Upplýsingar um Bill Guthridge