Sigurður Ingimundarson landsliðþjálfari hefur valið þá tólf leikmenn sem leika munu fyrir Íslands hönd í leikjunum gegn Hollandi og Kína nú í ágúst, sem og í Evrópuleikjunum gegn Danmörku og Rúmeníu 3. og 10. september.

Liðið er skipað eftirtöldum leikmönnum:

Nafn Staða Félag Hæð Þyngd Aldur Fjöldi landsleikja
Magnús Þór Gunnarsson Bakvörður Keflavík 184 cm 85 kg 24 24

Friðrik Stefánsson Miðherji Njarðvík 204 cm 110 kg 29 79

Jakob Sigurðarson Bakvörður Bayer Giants Leverkusen 192 cm 90 kg 23 14

Gunnar Einarsson Bakvörður Keflavík 188 93 kg 28 27

Arnar Freyr Jónsson Bakvörður Keflavík 184 78 kg 23 15

Jón Arnór Stefánsson Bakvörður Pompea Napoli 195 cm 93 kg 23 30

Logi Gunnarsson Bakvörður Giessen 46ers 191 cm 87 kg 24 31

Sigurður Þorvaldsson Framherji Woon! Aris Leeuwarden 201 cm 93 kg 25 24

Helgi Magnússon Framherji Catawba College 196 cm 90 kg 23 32

Hlynur Bæringsson Framherji/Miðherji Woon! Aris Leeuwarden 200 cm 98 kg 23 19

Jón N. Hafsteinsson Framherji Keflavík 196 cm 87 kg 24 30

Egill Jónasson Miðherji Njarðvík 214 cm 89 kg 21 4

Þetta er sterkasta lið sem Ísland hefur náð að stilla upp í langan tíma. Sex nýir leikmenn koma í liðið nú sem ekki voru í liðinu á Smáþjóðaleikunum í Andorra í vor. Logi Gunnarsson og Gunnar Einarsson eru komnir aftur í liðið. Þeir gátu ekkert leikið með liðinu í fyrra vegna meiðsla. Einnig eru þeir Jón Arnór Stefánsson, Friðrik Stefánsson, Jakob Sigurðarson og Jón N. Hafsteinsson komnir í liðið á ný, en þeir voru ekki með í Andorra.

Þó er skarð fyrir skildi að miðherjinn sterki Fannar Ólafsson úr KR er ekki orðinn góður af meiðslum sínum og verður líklega ekkert með liðinu nú í haust.


mt: Logi Gunnarsson er kominn aftur í landsliðið.