© 2000-2021 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.8.2005 | 16:32 | EÁJ | Yngri landslið
Frábær sigur gegn Belgum - Ísland í A deild að ári !
Íslenska 16 ára landslið karla var rétt í þessu að leggja Belga í úrslitaleik um sæti í A deild. Lokatölur urðu 64-56 fyrir Ísland en Belgar leiddu í hálfleik 35-38.
Með sigrinum er ljóst að Ísland leikur gegn Grikkjum á morgun um 13. & 14. sæti mótsins. Það verða því Belgar og Pólverjar sem falla í B deild þetta árið.
Þar með er ljóst að Ísland mun eiga lið í A deild bæði í U16 og U18 karla næsta sumar, eitthvað sem að fæstir hefðu látið sig dreyma um fyrir um ári síðan.
Það var ljóst að það var mikið í húfi þegar leikur hófst. Menn voru örlítið stressaðir en Hjörtur Hrafn kom svo okkar mönnum á bragðið með þremur góðum körfum, þar af einni 3ja stiga og ísinn var brotinn. Belgar leiddu þó 17-18 eftir fyrsta leikhluta en góður kafli í upphafi annars leikhluta skilaði 5 stiga forystu og Belgarnir í töluverðum vandræðum með Hjört og Þröst í teignum. Þeir skiptu þá í 3:2 svæði og okkar menn voru óskynsamir á þessum tímapunkti og áður en missu af var staðan orðin jöfn 35-35. Belgar áttu svo lokasóknina og skoruðu 3ja stiga körfu til að taka 3ja stiga forystu með sér inn í hálfleikinn.
Belgar náðu mest 7 stiga forskoti í þriðja leikhluta en góður lokakafli í leikhlutanum snéri leiknum Íslandi í hag og forystan 3 stig.
Í fjórða leikhluta má segja að strákarnir hafi læst sigrinum. Atli Rafn spilaði frábæra vörn á skotbakvörð Belga sem hafi verið erfiður, og skynsemin var allsráðandi í sókninni. Hjörtur og Þröstur voru Belgunum erfiðir og Rúnar og Elías leystu pressu Belga vel.
Lokatölur urðu 64-56 og frábær íslenskur sigur í höfn.

Það er erfitt að taka einhvern einn út úr í þessum leik. Hjörtur Hrafn var sífellt ógnandi og réðu Belgarnir illa við hann. Þröstur Leó steig hressilega upp á lokakaflanum og áður er getið innkomu Atla Rafns í varnarleiknum. Hjörtur og Þröstur gerðu báðir 21 stig og tóku báðir 12 fráköst (héldu upp á boðið í Adidas Superstar camp), Elías og Rúnar Ingi gerðu 9 stig hvor (Elías þrjár 3ja), og þeir Atli Rafn og Helgi Björn gerðu 2 stig hvor. Páll Fannar lék einnig en komst ekki á blað.
Tölfræði leiksins

Það eru stoltir íslendingar sem eru á leið saman út að borða í kvöld. Markmið liðsins var að halda sæti Íslands í A deild og nú hefur það tekist. Það sjá kannski ekki allir heima hvað þetta er ánægjulegt fyrir íslenskan körfubolta. Að hafa unnið sig upp í A deild var svakalegur áfangi og að við skulum ná að verja sæti okkar er gríðarlega mikilvægt fyrir KKÍ og íslenskan körfubolta almennt.
Stóru þjóðirnar sem eru að taka þátt hérna skilja vart hvað lið eins og litla Ísland sé að gera hér í lokaúrslitum EM og hvað þá að við skulum ná að stríða þeim mörgum hverjum og halda sæti okkar í A deild.
Á morgun verður leikið við Grikki kl 11:15 að íslenskum tíma.

Hópurinn sendir kveðjur heim, og er farinn að hlakka til að komast heim á klakann á mánudagskvöld. Drengirnir eru eðlilega margir hverjir orðnir ansi þreyttir, enda leikið 7 leiki núna á 9 dögum og enn er einn leikur eftir.

Mótayfirlit
Mótayfirlit allra flokka
Einar Bollason fylgist ábúðarfullur með sínum mönnum í KR í oddleik liðsins gegn Snæfelli vorið 2006.
DómarahorniðLeiðararTölfræðiSaganViðtalið