Í dag klukkan 14 að íslenskum tíma leikur U16 karla gegn Belgum í næst síðasta leik sínum í mótinu. Leikurinn sker úr um hvort liðið leikur um 13. & 14. sæti og heldur jafnframt sæti sínu í A deild og hvort liðið leikur um 15. & 16. sæti og fellur jafnframt í B deild.

Íslenska liðið tók létta skotæfingu í morgun og undirbýr sig núna fyrir leikinn mikilvæga með léttum hádegisverð og fundi þar sem verður kíkt á Belgana betur á DVD.
Þröstur Leó á enn við ökklameiðsli að stríða en hefur verið í meðferð síðustu daga til að ná eins góðum bata og kostur er.

Leikurinn verður beint á heimasíðu mótsins, og fyrir áhugasama er að smella Hérna

Leikurinn verður án efa æsispennandi enda mikið í húfi en íslenska liðið ætlar sér ekkert annað en sigur í dag og tryggja það að markmið liðsins fyrir mót verði í höfn !

Hópurinn sendir bestu kveðjur heim, og jafnframt baráttukveðjur yfir til Bosníu á U18 kvenna sem eru að renna af stað inn í sitt mót.