Í ár líkt og í fyrra geta þeir sem taka þátt í Reykjavíkurmaraþoninu safnað áheitum fyrir Minningar- og styrktarsjóð Ölla. Sjóðurinn sem var settur á laggirnar fyrir tveimiur árum hefur sannað tilverurétt sinn en um 50 börn og ungmenni hafa notið góðs af úthlutunum sjóðsins.

Áheitasöfnun sjóðsins í Reykjavíkurmaraþoninu er ein helsta fjáröflun hans og gerir honum kleift að sinna markmiðum sínum sem er að styrkja börn og ungmenni til þátttöku í íþróttastarfi sem þurfa á fjárhagsstuðningi að halda. Enn er hægt að skrá sig í maraþonið og þá um leið ákveðið að hlaupa fyrir Minningar- og styrktarsjóð Ölla. Áheitasöfnun fyrir sjóðinn stendur yfir og hvetur KKÍ allt körfuboltafólk að styrkja sjóðinn í áheitasöfnuninni.

Nánari upplýsingar má sjá Facebook og á hlaupastyrk.is.