Strákarnir í U16 töpuðu fyrsta leik sínum á EM gegn Portúgal 52-66 eftir að staðan í hálfleik hafði verið 22-37. Hákon Örn Hjálmarsson var stigahæstur með 28 stig.

Portúgalir byrjuðu leikinn af miklum krafti og þvinguðu Íslensku strákanna í of marga tapaða bolta og uppskáru 10 stig uppúr töpuðum boltum einum og sér í fyrsta leikhluta. Portúgal leiddu 8-19 eftir fyrsta leikhluta. Í öðrum leikhluta þéttu strákarnir vörnina en fráköstin voru þeim erfið, 9-0 byrjun á öðrum leikhluta kom þeim í 17-19 en þá tóku Portúgalir áhlaup og leiddu einsog áður segir 22-37 í hálfleik. Hákon var stigahæstur í hálfleik með 18 stig af 22 og klárt mál að fleiri leikmenn þurftu að að koma að stigaskorinu í síðari hálfleik.

Í síðari hálfleik náðu Portúgalir mestri forystu 23 stig en strákarnir neituðu að gefast upp og náðu þeir muninum niður í 10 stig með samvinnu í vörninni en nær komust þeir ekki og juku Portúgalir muninn í blálokin og sigruðu 52-66.

Tapaðir boltar voru liðinu erfiðir í dag, en liðið tapaði 23 boltum í fyrstu þremur leikhlutunum, lokafjöldi voru 24 og því einungis einn tapaður í fjórða leikhluta. Fráköstin voru ekki að hjálpa okkar mönnum en Portúgal tóku 19 sóknarfráköst og þar af fjölmörg eftir vítaskot. Heildartölur voru 35 íslensk fráköst gegn 50.

Nú er bara að fara yfir hvað gera má betur og læra af leiknum í dag. Á morgun eru það Svíar sem unnu okkur illa á Norðurlandamótinu í vor. Leikurinn hefst klukkan 10:45 að íslenskum tíma eða 13:45 að staðartíma.

Hægt er að fylgjast með tölfræði og fjölmörgu öðru sem fram fer í Búlgaríu á heimasíðu mótsins Smella hér