© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
2.8.2015 | 22:25 | elli
Strákarnir luku keppni í 6.sæti – Kristinn Pálsson í úrvalsliði mótsins
Íslenska U18 ára landslið karla lauk keppni í dag í B deild Evrópukeppninnar í Austurríki. Strákarnir léku lokaleikinn sinn gegn Ungverjum sem tapaðist 75:84 og niðurstaðan því sjötta sætið. 24 lið tóku þátt í keppninni og íslenska liðið getur vel við unað þó vissulega hafi þeir verið nærri möguleikum að komast í undanúrslit mótsins.

Drengirnir eiga hrós skilið fyrir að eflast í mótlæti en þeir misstu Kára Jónsson fyrirliða sinn út í meiðslum í lokaleiknum í riðlakeppninni og þeir töpuðu svo gegn Georgíu í fyrri leik í milliriðli í spennuleik en sýndu karakter er þeir komu til baka og unnu Svía (og voru um tíma nokkuð nærri því að vinna upp þann stigamun sem þurfti til að komast í undanúrslit). Þess má geta að Svíar fóru ekki bara í undanúrslitin, því þar unnu þeir Slóvena og unnu svo ævintýralegan sigur gegn Ísrael í kvöld þar sem þeir skoruðu þrist og fengu víti að auki til að vinna eins stigs sigur er 7 sekúndur voru eftir.

Ísland vann svo England í gær til að tryggja sér leikinn um fimmta og sjötta sætið. Ungverjar hófu leik af miklum krafti í dag og náðu snemma 10 stiga forystu og má segja að það hafi reynst íslenska liðinu erfitt. Góður lokakafli í fyrri hálfleik þar sem Jón Arnór Sverrisson gerði þrist þegar hálfleiksflautan gall gaf okkar mönnum von en staðan í hálfleik var 37:45 fyrir Ungverja. Jón Arnór kom mjög sterkur inn í fyrri hálfleiknum og gerði 11 stig (þar af þrjá þrista).

Í síðari hálfleik vantaði í raun bara herslumuninn við að komast yfir. Ísland náði nokkrum sinnum að minna muninn í 2 og 3 stig en Ungverjar svöruðu ávallt með stórum körfum. Að lokum fór svo að þeir náðu muninum aftur upp í tæp 10 stig og þar við sat og sigur þeirra sanngjarn.

Jón Arnór Sverrisson og Þórir Þorbjarnarson voru atkæðamestir í íslenska liðinu í dag. Jón Arnór gerði 21 stig, tók 6 fráköst, stal 3 boltum og gaf 3 stoðsendingar. Þórir gerði 20 stig, tók 5 fráköst og stal 2 boltum. Ragnar Helgi Friðriksson og Kristinn Pálsson voru með 8 stig hvor og Kristinn með 10 fráköst að auki.

Tölfræði leiksins

Eins og áður sagði unnu Svíar mótið og Ísrael varð í öðru sæti. Slóvenía vann svo leikinn um bronsið gegn Póllandi en þrjú efstu liðin færast í A deild.
Úrvalslið mótsins var svo valið eftir úrslitaleikinn en þar voru valdir tveir leikmenn frá Svíðþjóð og tveir leikmenn frá Ísrael ásamt Kristni Pálssyni sem átti virkilega gott mót. Okkar maður var með 18,2 stig, 7,7 fráköst og 2,9 stoðsendingar að meðaltali á leik.

Tölfræði íslenska liðsins á mótinu

Strákarnir halda af stað heim í nótt og eru væntanlegir til Íslands um 16 á morgun.
Mótayfirlit
Mótayfirlit allra flokka
Baldur Þór Ragnarsson fagnar þriðja sætinu hjá U16 á NM unglingalandsliða í Solna í maí 2006.  Strákarnir unnu Norðmenn í hörkuleik um þriðja sætið.
DómarahorniðLeiðararTölfræðiSaganViðtalið