Nú er nýlokið leik Íslendinga og Austurríkismanna á EM U-18 í Ruzomberok í Slóvakíu. Austurríkismenn fóru með sigur af hólmi 71-67 eftir að íslenska liðið hafði leitt með 15 stigum í hálfleik.

Íslenska liðið byrjaði mun betur en það austurríska, jók forystuna jafnt og þétt og leiddi með 15 stigum í hálfleik, 40-25. En þriðji leikhlutinn var hrein hörmung hjá liðinu og skoraði liðið aðeins 7 stig í honum, en þeir austurrísku 19. Austurríkismennirnir sigu svo fram úr í fjórða leikhlutanum og sigruðu á endanum með 4 stigum.

Íslenska liðið skaut 25 þriggjastigaskotum í leiknum og hitti úr 3.

Pavel Ermolinskij var stigahæstur með 20 stig (17 fráköst, 8 stoðs, 10 tapaða bolta), Hörður Vilhjálmsson var með 11 stig, Ólafur Torfason 10, Darri Hilmarsson 9, Sigurður Þorsteinsson 6, Árni Ragnarsson 5, Brynjar Björnsson 3 (0/10 í þriggja) og Emil Jóhannsson 3.

Nánari tölfræði