Íslensku liðin tóku létta æfingu í morgun sem lokaundirbúning fyrir leikina sem eru í dag og kvöld. Kvennaliðið á leik við Möltu kl. 14:30 að íslenskum tíma, en karlaliðið mætir heimamönnum kl. 18:30. Fastlega er búist við hörkuleik hjá stelpunum, leik sem sker úr um hvaða litur verður á verðlaunapeningnum hér á leikunum.

Karlaliðið ætti ekki að eiga í vandræðum með að vinna Andorra, en aldrei er að vita hvað gerist. Þótt Andorra hafi tapað fyrir San Marínó í gær voru heimamenn betri aðilinn í leiknum og átti skilið að vinna. Sá leikur var leikinn af hörku og hvorugt liðið gaf þumlung eftir. Sem betur fer þá hélt Kristinn Óskarsson dómari fast um stjórntaumana ásamt félaga sínum og kom í veg fyrir meiriháttar óeirðir. Íslenska liðið gæti því lent í kröppum dansi gegn heimamönnum í dag ef menn mæta ekki með réttu hugarfari til leiks.

Sigmundur Már Herbertsson dómari dæmir í dag leik San Marínó og Lúxemborgar í karlaflokki, en Kristinn Óskarsson á frí.

mt: FIBA-dómararnir Simmi og Kiddi fylgdust spenntir með íslensku stelpunum vinna Andorra í gær.