Ísland vann góðan sigur á Andorra, 71-29 á Smáþjóðaleikunum í Andorra í dag. Staðan í hálfleik var 34-10.

Leikurinn getur engan vegin talist prófsteinn á íslenska liðið hér á mótinu, til þess var lið Andorra einfaldlega of slakt. Stelpurnar fengu allar að spreyta sig í leiknum og lögðu sig allar í leikinn. Þegar á leið seig íslenska liðið aðeins niður á sama plan og Andorra, skot undir körfunni geiguðu hvað eftir annað og það var eins og einbeitingin væri ekki alveg í lagi.

Ljóst er að stelpurnar verða að halda einbeitinunni allan tímann gegn Möltu á morgun ef ekki á illa að fara. Íslenkska liðið tapaði 18 boltum í dag og var aðeins með 32% skotnýtinu í 2ja stiga skotum.

Lið Möltu tapaði sínum leik í dag gegn Lúxemborg og því má búast við hörkuleik milli Íslands og Möltu á morgun. Sá leikur er kl. 14:30 að íslenskum tíma.

Birna Vlagarðsdóttir var stigahæst í dag með 18 stig. Hún var einnig með flest fráköst eða 7 talsins.

Tölfræði leiksins.

mt: Ingibjörg Vilbergsdóttir skorar tvö af stigum sínum í leiknum í dag.