Jón Arnór Stefánsson og félagar hans í Dynamo St. Petersburg sigruðu BC Khimky í undanúrslitaleik FIBA Europe League nú rétt áðan 92-81 og leika til úrslita í kepninni á morgun.

Í úrslitaleiknum mætir Dynamo liðið hinu úkraínska BC Kyiv frá Kænugarði. Leikurinn hefst kl. 17:00 að íslenskum tíma.

Jón Arnór átti góðan leik fyrir Dynamo í dag, skoraði 14 stig og hirti 4 fráköst. Pilturinn getur á morgun orðið Evrópumeistari, fyrstur íslenskra körfuknattleiksmanna.


mt: Jón Arnór sækir að körfu BC Khimky í leiknum í dag.
mynd: FIBA Europe