© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.3.2005 | 18:30 | Óskar Ó. Jónsson
Helena ótrúleg í bikarsigri Hauka í unglingaflokki kvenna
Helena Sverrisdóttir skilaði ótrúlegri tölfræði þegar hún og félagar hennar í unglingaflokki kvenna tryggðu sér bikarmeistaratitilinn í dag. Helena var með 18 stig, 22 fráköst, 18 stoðsendingar og 5 stolna bolta í 22 stiga sigri Haukaliðsins, 91-69, en Keflavík hafði reyndar frumkvæðið framan af og var meðal með 11 stiga forskot, 33-22, þegar 16 mínútur voru liðnar af leiknum. Haukar unnu síðustu 4 mínútur hálfleiksins 20-4 og komust yfir 42-39 fyrir hlé og unnu síðan fjórða leikhlutann með 17 stigum (21-4) og leikinn því sannfærandi.

Þetta var vissulega tímamótasigur fyrir Helenu Sverrisdóttur sem varð þarna bikarmeistari í sjötta sinn á ferlinum en hún hafði fram að þessum leik einungis unnið bikarmeistaratitla í flokkum upp fyrir sig þar á meðal í meistaraflokki í síðasta mánuði. Helena hafði orðið bikarmeistari í 9. flokki (2002), 10. flokki (2002, 2003), unglingaflokki (2004) og meistaraflokki (2005) en aldrei í þeim flokki sem 1988-árgangurinn var í á hverri stundu. Þann flokk hafði Keflavík alltaf unnið bikarmeistaratitilinn þar til í dag.

Pálína Gunnlaugsdóttir var stigahæst í Haukaliðinu með 25 stig, Helena var búinn að ná þrefaldri tvennu þegar tvær mínútur voru liðnar af þriðja leikhluta og endaði með 18 stig, 22 fráköst, 18 stoðsendingar og 5 stolna bolta, Ösp Jóhannsdóttir nýtti 5 af 9 þriggja stiga skotum sínum og skoraði 17 stig, gaf 5 stoðsendingar og stal 5 boltum og Ragnheiður Theódórsdóttir var með 13 stig.

María Ben Erlingsdóttir skoraði mest fyrir Keflavík eða 17 stig en Bryndís Guðmundsdóttir var með 13 stig, 21 frákast, 6 stoðsendingar og 6 varin skot. Bára Bragadóttir skoraði 13 stig og Hrönn Þorgrímsdóttir var með 12 stig og 5 stoðsendingar.
Mótayfirlit
Mótayfirlit allra flokka
Leikmenn og þjálfarar A-landsliðs karla slappa af á kaffihúsi í Ungverjalandi á æfingaferð landsliðsins sumarið 2004.
DómarahorniðLeiðararTölfræðiSaganViðtalið