FIBA Europe hefur tilnefnt Sigmund Má Herbertsson Körfuknattleiksdómara til að dæma leik í 16-liða úrslitum FIBA Europe League karla. Leikurinn fer fram þann 25. febrúar næstkomandi í Hollandi, en liðin sem etja þar kappi eru hið hollenska Daemon Astronauts og Iscar Strauss Nahariya frá Ísrael.

Meðdómarar Sigmundar verða þeir Vicente Bulto frá Spáni og Eric Bertrand frá Sviss. Eftirlitsmaður verður Pierre Brys frá Belgíu.

Það er engum blöðum um það að fletta að leikurinn, sem er annar leikurinn í mögulegri þriggja leikja seríu, er einn sá stærsti sem íslenskur körfuknattleiksdómari hefur verið tilnefndur til að dæma.

KKÍ óskar Sigmundi Má til hamingju með útnefninguna.
Af vef KKDÍ.