Ísland lenti í riðli með Rússlandi, Grikklandi og Króatíu í A-deild Evrópukeppni U-16 ára landsliða, en drátturinn fór fram í Prag í Tékklandi í dag. Pétur Hrafn Sigurðsson fulltrúi Íslands í unglinganefnd FIBA-Europe var viðstaddur dráttinn.

Evrópukeppni U-16 ára lið karla mun fara fram í Leon á Spáni í sumar. Þjálfari liðsins er Einar Árni Jóhannsson.

Ísland var eina norðurlandaþjóðin sem átti fulltrúa í A-deild Evrópukeppninnar, en dregið var í þremur aldursflokkum karla og kvenna.

Í keppni U-16 ára liða kvenna var Ísland í efsta styrkleikaflokki í B-deildinni, en liðið sem lék í keppninni sl. sumar var hársbreidd frá því að vinna sér sæti í A-deildinni. Með Íslandi í riðli í EM U-16 kv. verða Svíþjóð, Slóvenía og Holland. Mótið fer fram í Eislandi. Þjálfari liðsins er Hlynur Skúli Auðunsson.

U-18 ára lið karla lenti í riðli með Finnlandi, Svíþjóð og Makedóníu, en það mót fer fram í Slóveníu. Þjálfari liðsins er Ingi Þór Steinþórsson.

U-18 ára lið kvenna, sem leikur í Bosníu í sumar mætir þar liðum frá Hvíta Rússlandi, Lúxembourg og Rússlandi. Þjálfari liðsins er Ágúst S. Björgvinsson.

Loks mun U-20 ára landslið karla leika í Evrópukeppni í Varna í Búlgaríu í sumar. Í riðli með Íslandi verða Pólland, Slóvenía, Finnland, Georgía og Írland.

Öll íslensku liðin leika í B-deild Evrópukeppninnar, nema U-16 ára lið karla sem er í A-deild.

Nánari upplýsingar um dráttin er að finna á vef FIBA-Europe.