Í dag sunnudag er komið að loka keppnisdegi á Copenhagen-Invitational mótinu í Kaupmannahöfn hjá U15-liðunum okkar og U20 í Kaupmannahöfn.

U20 kvenna
Stelpurnar léku í gær gegn Danmörku. Þær dönsku höfðu sigur 63:85. Í dag leika þær sinn síðasta leik á mótinu gegn Eistlandi kl. 12.00 að íslenskum tíma og verður bein útsendinga á síðunni hér að ofan og tölfræði hér á kki.is.

Tölfræði mótsins má sjá hérna: www.basket.dk/NM-U20-Damer.

U15 liðin
Bæði lið léku tvo leiki í gær. Strákarnir unnu sína leiki og leika til úrslita í dag gegn Berlín kl. 13.00 að íslenskum tíma. Þeir lögðu lið Eistlands 82:79 og svo lið Topsportsschool frá Belgíu í hörkuleik 49:45.

Stelpurnar okkar léku gegn liði Danmerkur tvívegis í gær, fyrst töpuðu þær naumlega en í seinni leiknum unnu þær leikinn. Þær munu leika gegn Finnlandi um 5. sætið á mótinu kl. 10.45 í dag.

Nánari fréttir eru á facebook-síðu CPH-Invitational-mótsins þar verða færðar inn fréttir af leikjunum jafnóðum.