Ókeypis verður á stjörnuleiki KKÍ, 15. janúar 2005, í boði Icelandari og Vífilfells. Við hjá KKÍ viljum hvetja körfuknattleiksunnendur til að lát aandvirði eins aðgönumiða renna í landssöfnunina "Neyðarhjálp úr norðri" til styrktar fórnarlömbum flóðanna í Asíu.

Upplýsingar um söfnunina ávef RÚV

Stjörnuleikur kvenna hefst kl. 14.10 og stjörnuleikur karla kl. 16.00, leikirnir fara fram á Hlíðarenda.

Þetta verður 18. Stjörnuleikurinn sem KKÍ heldur en sá fyrsti fór fram í Valsheimilinu fyrir rétt tæpum sautján árum síðan, nánar til getið 27. janúar 1988 í þá nýbyggðu íþróttahúsi Vals á Hlíðarenda sem hýsir sinn síðasta þriðja og síðasta stjörnuleik í dag þar sem nýtt hús verður byggt á næsta ári.

Það má finna margskonar upplýsingar um sögu Stjörnuleiksins hér en þar kemur meðal annars fram að Sigurður Ingimundarson, þjálfari íslenska úrvalsliðsins, þarf að brjótast í gegnum tvo múra í dag. Sigurður hefur aldrei stjórnað liði til sigurs í Stjörnuleik og íslenskt úrvalslið hefur aldrei unnið bandaríska atvinnumenn í þau tvö skipti sem þau hafa mæst til þessa.

Þá má einnig finna þar hvaða leikmaður er sá eini í sögu Stjörnuleiksins sem hefur unnið til allra þriggja verðlaunanna sem eru árlega í boði í þessum leik, það er verið valinn maður leiksins, unnið troðslukeppnina og unnið þriggja stiga skotkeppnina. Sá hinn sami var valinn maður leiksins 1990, vann troðslukeppnina fyrstu tvö árin og þriggja stiga skotkeppnina 1996 og 2000.