© 2000-2025 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
29.12.2004 | 17:05 | Óskar Ó. Jónsson
Endurtaka íslensku stelpurnar leikinn í Sheffield í kvöld?
Íslenska kvennalandsliðið mætir Englandi í annað sinn á tveimur dögum þegar þjóðirnar mætast í Sheffield í kvöld. Íslenska liðið vann fimm stiga sigur, 67-72, í gær í miklum baráttuleik og má búast við spennandi slag í kvöld en spilað er í vöggu kvennakörfunnar í Englandi þar sem margfaldir meistarar Sheffield Hatters hafa aðsetur. Hatters-liðið hefur meðal annars orðið enskur meistari síðustu þrjú tímabil og alls tíu sinnum frá upphafi.

Ívar Ásgrímsson, landsliðsþjálfari, var ánægður með leik íslenska liðsins í gær og þá sérstaklega karakter sem liðið sýndi á lokamínútum þegar íslensku stelpurnar unnu upp sex stiga forskot enska liðsins. Íslenska landsliðið hefur nú unnið 7 af 13 landsleikjum undir hans stjórn á árinu þar af tvo þeirra í fjórum landsleikjum gegn Englandi en þjóðirnar mætast nú í kvöld í fimmta sinn á árinu 2004.

Fjórar stelpur í enska landsliðinu spila með Sheffield Hatters, þar af tvær sem byrjuðu inná í leiknum í gær og verða þær því á heimavelli í leiknum í kvöld en uppselt er á leikinn og má búast við mikillri stemningu í kvöld.

Ingibjörg Elva Vilbergsdóttir 16 ára stelpa úr Njarðvík kemur inn í liðið í kvöld í staðin fyrir Hildi Sigurðardóttur sem meiddist lítillega á æfingu í morgun og mun af þeim sökum hvíla í leiknum í kvöld. Í tólf manna hópnum í kvöld verða þar sem fjórar sextán ára stelpur og fer þar fremst Helena Sverrisdóttir sem var með 19 stig, 10 stoðsendingar og 7 stolna bolta í sigrinum í gær.

Mynd: Hildur Sigurðardóttir, eini atvinnumaðurinn í íslenska liðinu, hvílir í kvöld vegna meiðsla sem hún hlaut á æfingu í morgun.
Mótayfirlit
Mótayfirlit allra flokka
Njarðvíkingar urðu Íslandsmeistarar karla 1998 eftir úrslitaeinvígi við KR. Aftari röð frá vinstri, Brynjar Ásmundsson vatnsberi, Gunnar Þorvarðarson formaður körfuknattleiksdeildar Njarðvíkur, Einar Árni Jóhannsson aðstoðarþjálfari, Friðrik Ingi Rúnarsson þjálfari, Örvar Kristjánsson, Kristinn Einarsson, Páll Kristinsson, Petey Sessoms, Ægir Gunnarsson, Sævar Garðarsson, Sara Guðmundsdóttir sjúkraþjálfari og Bjarni Bragason vatnsberi. Fremri röð frá vinstri: Teitur Örlygsson með dóttur sína Ernu Lind í fanginu, Guðjón Gylfason, Ragnar Ragnarsson, Friðrik Ragnarsson, Logi Gunnarsson og Örlygur Sturluson.
DómarahorniðLeiðararTölfræðiSaganViðtalið