© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
         
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
28.12.2004 | 21:31 | Óskar Ó. Jónsson
Ívar var mjög ánægður með stelpurnar í kvöld
"Ég var mjög ánægður með karakterinn í liðinu að klára leikinn þegar við vorum búin að missa þær aðeins frammúr okkur. Við komum til baka og spilum alveg gríðarlega vel þrátt fyrir að vera að spila fyrir fullu húsi áhorfenda sem voru allir á bandi Englendinga. Við erum að sýna það í þessum leik að við erum í framför. Við erum að fara út með ungt lið og erum að ná góðum úrslitum," sagði Ívar Ásgrímsson, landsliðsþjálfari kvenna, í viðtali eftir góðan fimm stiga sigur á Englendingum í kvöld, 72-67.

"Þetta var svakalegur leikur og það er rosalega gott að ná að vinna þennan slag. Ég er rosalega sáttur með stelpurnar. Það spila ellefu stelpur í þessum leik og það komust allir vel frá sínu. Við skiptum mikið inn á í fyrri hálfleik og leyfðum öllum að spreyta sig en skiptum síðan minna í seinni hálfleik," sagði Ívar ennfremur eftir leikinn en enska liðið var búið að ná sex stiga forskoti fyrir lokaleikhlutann, 54-48.

"Þetta var mikil barátta frá fyrstu mínútu og það var jafnt á flestum tölum. Við fórum í pressu og svo í svæðisvörn á lokamínútunum sem kom þeim mjög á óvart og við náðum í framhaldinu að stela nokkrum boltum sem gerði útslagið í lokin," sagði Ívar um lokasprettinn en íslenska liðið vann síðustu einu og hálfu mínútuna með sjö stiga mun og síðasta leikhlutann með alls 11 stigum, 24-13.

Íslenska landsliðið á eftir að leika tvo leiki í Englandsferðinni, annan landsleik við England á morgun og svo leik gegn úrvalsliði frá London á fimmtudaginn. Ívar hefur nú stjórnað íslenska liðinu í 13 leikjum á árinu, sjö hafa unnist og töpin eru sex.

Stig íslenska liðsins í leiknum:
Helena Sverrisdóttir 19 (10 stoðs. 7 stolnir, 5 fráköst, 31 mín.)
Birna Valgarðsdóttir 11 (5 fráköst, 4 stolnir, 29 mín.)
Erla Þorsteinsdóttir 11 (7 fráköst, 32 mín.)
Rannveig Randversdóttir 9 (18 mín.)
Signý Hermannsdóttir 8 (6 fráköst, 2 varin skot, 28 mín.)
María Ben Erlingsdóttir 8 (16 mín.)
Svava Ósk Stefánsdóttir 2 (7 mín.)
Hildur Sigurðardóttir 2 (16 mín.)
Helga Jónasdóttir 2 (3 mín.)

Alda Leif Jónsdóttir (13 mín.) og Bryndís Guðmundsdóttir (2 mín.) léku einnig en náðu ekki að skora. Alda Leif fór útaf með 5 villur. Ingibjörg Elva Vilbergsdóttir hvíldi í þessum leik en kemur inn fyrir leikinn í Sheffield á morgun.

Úrslit leikhlutanna:
1. leikhluti: Ísland 12-10
2. leikhluti: Jafnt 15-15 (Ísland 27-25)
3. leikhluti: England 29-21 (England 54-48)
4. leikhluti: Ísland 24-13 (Ísland 72-67)

Mynd: Ívar Ásgrímsson var mjög sáttur með íslensku stelpurnar í karaktersigri á Englandi í kvöld.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Teitur Örlygsson í leik gegn Möltu.
DómarahorniðLeiðararTölfræðiSaganViðtalið