© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
28.12.2004 | 13:17 | Óskar Ó. Jónsson
Stelpurnar mæta Englandi í Nottingham í kvöld
Íslenska kvennalandsliðið stendur í stórræðum næstu daga en liðið er nú í æfingaferð í Englandi þar sem íslensku stelpurnar spila tvo opinbera landsleiki við heimastúlkur og svo einn æfingaleik við úrvalslið frá London. Fyrsti leikurinn er gegn landsliði Englands í Nottingham klukkan 18:30 í dag.

Yfirmaður körfuboltamála í Englandi, Keith Mair, fagnar komu íslenska landsliðsins á heimasíðu sambandsins og telur leikina mjög mikilvæga fyrir sínar stelpur. "Þetta er mikilvægt og gott tækifæri fyrir okkar landsliðskonur að spila á heimavelli. Okkar áhagendur geta nú séð á hvaða lið mun koma fram fyrir okkar hönd á Samveldisleikunum 2006," sagði Mair á heimasíðu enska körfuboltasambandsins. Það er uppselt á báða landsleikina og því verður það góð reynsla fyrir íslensku stelpurnar að glíma við enska landsliðið dyggilega stutt af fjölmörgum enskum áhorfendum.

Leikurinn í dag fer fram í Jesse Boot Wildcats-höllinni í Nottingham en það er einmitt heimavöllur Nottingham Wildcats liðsins sem á fjóra leikmenn í tólf manna hóp enska landsliðsins. Meðal þeirra er bakvörðurinn Jo Sarjant sem gerði íslensku stelpunum lífið leitt þegar þjóðirnar áttust við í þremur vináttulandsleikjum síðasta vor. Sarjant var þá með 17,0 stig, 8 fráköst og 5,3 stolna bolta að meðaltali í þremur landsleikjum þjóðanna.

Bæði lið hafa einn leikmann sem spilar utan heimalandsins síns, Hildur Sigurðardóttir spilar með Jamtland í Svíþjóð og hjá enska liðinu spilar Rosie Mason í Ísrael. Athygli vekur þó að tvö efstu liðin í ensku kvennadeildinni, Rhondda Rebels (frá Wales) og Manchester Mystics eiga hvorugt leikmann í enska landsliðinu að þessu sinni og flestir leikmenn eða fjórir koma frá Nottingham Wildcats og Sheffield Hatters sem eru í 3. og 5. sæti ensku deildarinnar.

Mynd: Ívar Ásgrímsson landsliðsþjálfari er mættur með íslensku landsliðskonurnar til Nottingham í Englandi.
Mótayfirlit
Mótayfirlit allra flokka
Liðsmenn KFÍ í 7. flokki karla veturinn 2004-05. Hér er liðið á fjölliðamóti á Ásvöllum haustið 2004.
DómarahorniðLeiðararTölfræðiSaganViðtalið