© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
     
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
22.12.2004 | 11:29 | hh
Stjörnuleikur KKÍ – netkosning hefst að nýju!
Stjörnuleikur KKÍ verður haldinn laugardaginn 15. janúar 2005 í Valsheimilinu að Hlíðarenda. Mikið verður um dýrðir að vanda og von er á skemmtilegum leik, auk keppni í 3ja stiga skotum og troðslum. Ýmislegt fleira verður gert fyrir áhorfendur og til stendur að leggja verulega áherslu á skemmtun fyrir alla fjölskylduna. Nákvæm dagskrá verður kynnt síðar.

Að þessu sinni hefur verið ákveðið að bestu íslensku leikmenn Intersport-deildarinnar leiki gegn þeim bestu erlendu. Með því móti er vonast eftir því að keppnin verði hörð og leikurinn áhugaverður. Erlendu leikmennirnir setja mikinn svip á körfuna hér á landi og eru margir hverjir ansi öflugir. En íslensku leikmennirnir eru einnig í stöðugri framför og verður gaman að sjá þessa tvo hópa kljást.

Netkosningin hefst nú í annað sinn, vegna þess að ákveðið var að gera smá breytingar á tilhögun kosningarinnar. Netverjar kjósa leikmenn í bæði byrjunarliðin, síðan munu íþróttafréttamenn velja næstu fimm í hvort lið og þjálfararnir, þeir Sigurður Ingimundarson og Einar Árni Jóhannsson, munu velja tvo leikmenn hvor til að fylla upp í tólf manna hóp hvors liðs.

Ákveðið hefur verið að flokka leikmenn í tvo hópa, bakverði og framherja/miðherja. Ástæðan er sú að oft er erfitt að skilgreina hvort leikmaður sé miðherji eða framherji eins og íslensk lið leika, því hefur þeim flokkum verið steypt saman í einn. Netverjar kjósa því tvo leikmenn úr hópi bakvarða og þrjá “stóra” til viðbótar.

Þar sem kosningin er nú endurtekin munu þau atkvæði sem þegar höfðu borist ekki vera talin, við biðjum að afsaka óþægindin vegna þess, ef einhver hafa orðið. Landsliðsnefnd KKÍ stendur að stjörnuleiknum og mun hún leggja sig fram við að gera veg hans sem mestan, með það að leiðarljósi að úr verði frábær skemmtun fyrir alla landsmenn.

Með kveðju frá landsliðsnefnd og von um góða þátttöku,
Hrannar Hólm , formaður landsliðsnefndar
Mótayfirlit
Mótayfirlit allra flokka
Bragi Magnússon leikmaður Skallagríms er hér í sókn gegn Rodney Dobart, leikmanni Grindvíkur. Dobart leysti af Herman Meyers í janúar þetta ár sem varð fyrir meiðslum og lék með Grindavík til sigurs það árið.

Myndin er tekin í 8-liða úrslitunum þann 10. mars 1996 en leikurinn fór 62-76 og þar með vann Grindavík 2-0.
DómarahorniðLeiðararTölfræðiSaganViðtalið